Was im übrigen Deutschland Hausschuhe oder Puschen heißt, wird in Franken Dabbn genannt. Leicht zu verstehen, weil man in solchen Schuhen herumtappt, rumdabbd.

Allein schon das Wort suggerierte, dass es sich um ein Utensil handelt, das sich der Vornehmheit entzog. Ich habe meine Großeltern oder Eltern nie in Hausschuhen, geschweige denn Dabbn gesehen.

Ich glaube, wir Kinder hatten auch keine Hausschuhe, mit dem Erfolg, dass, wenn wir im Winter in den dunklen Gängen Verstecken spielten, dies „strümpfich“ geschah und wir die ganze kalte Jahreszeit mit Rotznasen herumliefen.

Dabei wünschte ich mir nichts sehnlicher als Dabbn. Es gab knöchelhohe in beige gehalten, die ein dunkelbraunes Gittermuster überzog. Genau die wollte ich und genau die fand unsere Mutter besonders unmöglich, weil darin die Bauern, der Schmied, der Kaufmann, der Wirt, der Postbote, der Bäcker, der Schuster und der Schreiner nach Feierabend vor der Haustür standen, ja schlimmer noch, damit durchs Dorf „dabbten“.

Alle meine Freunde hatten solche Dabbn, ihre Eltern sowieso. Es gab sie für billiges Geld beim „Schmiddla“, dem Schuhhaus Valentin Schmitt in Ebern zu kaufen. Es wäre ein Leichtes gewesen, meinen Wunsch zu erfüllen, aber nein, an gewissen Regeln der Ästhetik, des Anstands und der Vornehmheit hielt meine Mutter eisern fest.

Später, als ich in Spanien lebte, brauchte ich natürlich keine Hausschuhe, es war da so warm, da hätte ich sogar „strümpfich“ Versteck im Dunkeln spielen können.

Nun wohne ich in Berlin, sogar im Ostteil der Stadt, was man daran merkt, dass die Besucher an der Haustür die Schuhe ausziehen. Begründung: In der DDR Zeit seien die Bodenbelege so schlecht gewesen, dass man sie mit Straßenschuhen nicht malträtieren konnte.

Nun, ich habe mich bisher an die Vorhalte meiner Mutter gehalten und des Ankaufs von Hausschuhen entraten.

Bis heute.

Wer ist schuld? „El puto Putin“, wer sonst?

Wir haben beschlossen nicht zu heizen. Leider haben das unsere Nachbarn auch beschlossen. Früher waren die Wände zu den Wohnungen immer warm. Dennoch halten wir daran fest, den Thermostat nicht klicken zu lassen. Dabei haben wir festgestellt, dass man mit kalten Füssen noch mehr friert als eh schon.

Drum haben wir heut, nach allen Seiten sichernd, damit uns auch ja niemand sieht, Pantoffeln gekauft.

Ich empfinde diesen Zwang als Demütigung. Das werde ich diesem Kerl im Kreml nicht vergessen.

Und meine Mutter auch nicht. Ich nehme an, dass sie gerade im Himmel beim Bedrus vorstellig wird, damit er mir diesen Sündenfall nicht zu arg anrechne, wenn ich dereinst an seine Pforte klopfen werde.

Gschäfdsdüchdich is sa fei scho, unner Dschordschina, des muss amol gsachd sei.

Wie mei Alder un iech nuch den Schwarzn Adler gführd ham, senn die Jächer ahmds zu uns kumma un ham ihra Hasn dodgsuffn. Oder amol a Hochzich hammer ghabd, un wenn die Liederdafl in Festsaal gabrobd had, is danooch a nuch a wengla was ganga. Aber sonsd war unner däächlich Brod der Stammdisch, wo däächlich, fei woar, däächlich die gleicha Baggasch rumghoggd is: Der Bernrieder Kurddi, der Schneiderbanger Bedä, der Kubitschegg Milan, den sei Vadder had vo Boln rübergamechd, aber sei Muddä,die war vo do, wasd scho, die Schwarzbacher Kunnl, und nadürlich der Metsgers Rudi, der hasd so weil ers is, ned weil er so hasd, schreim dud er sich Müller. Des war unner dreuersda Kundschafd. Aber richtig was los war blos, wenn der Ergenbrechd Adolf kumma is. Adolf hamsa na gadeffd ned wechn denn. Es war hald so, dass der Bruder von Ergenbrechd Adolf, der wo sei Boodla war, der had hald Adolf ghiesn, der scho wächa denn, aber Schwamm drüber. Wenn der Ergenbrechd Adolf ahms in die Wirtschaft kumma is, had der immer die dollsdn Gschichdn verzähld. Der had ja seinerzeid in Landratsamt gschaffd – Bauaufsichdsbehörde. Do isser rum kumma in Landgreis und had genau gewissd, was bei die Leud los war. Wer ohne Drauschein a Kind grichd, des hadder gewissd. Weddn hader drauf aagenumma ob ses vor die Niederkunfd noch zum Aldar schaffn. Er had aber aa gawissd, wenns do nix mehr zern schaffn gähm had, weil der Vadder schon verheierd war. Frache nichd nach Sonnenschein, ich sochs der. Södda Gschichdla, die ham die annern nadürlich inderessierd, un do senn hald a boar Seidla merra gazapfd worn wie a die normola Dooch.

Der Ergenbrechd Adolf war ja a bassionierder Jächer, blos schiesn hadder ned gekönnt. Wenner wiederamol an Dreiber die Schrödn aufn Hosnbodn gablädsd had, hadder blos galachd und gsechd, wemmer kann Schbass versteht, söll mer ned an Dreiber mach.

Aber mir hams ja vo die Dschodschina ghabd. Edserd had sa in Eff Dee, wassd scho in Frängischn Daach a mords drümmer Aanzeiche gschaldn, auf Iddalienisch. Ka Word hab ich verstanna! Mei Dieder hads übersetz gakönnd. Zu a Dschornada Iddaliana hadsa eigaloodn. Erschd hab ich gadachd, die Dschordschina dud spinna. Aber an den Dooch war der Pargblads völler wie a die Kerwa, lauder Mercedes, BMW und nadürlich Alfa Romeo. Vo Würdsburch, Gronach, Nermberch zergoar von Ansbach had’s Nummernschilder gähm. A den Dooch hab iech hindern Dresn blei gamüssd, blos ausschenk. Iech ka ja ka Iddalienisch ned. Vo do hindn hab iech aber guud beobachdn gakönnd. Die ham Zeuch gässn, wo mir, wemmer blos dra dengn dun, kodsn müssn. So glaana rosa Würmla in Gnoblauchsuud, Dindnfisch, so langa Dinger mid Saugnäbf dro, Bulbo hasd des Zeuch. Des war aber blos die Vorschbeis. Dann is mid die Basda weiderganga. Ich waas doch ned, wie des alles haasn dud, Schbageddi grün un rod, breida Nudln mid Bilds. Ravioli schüsslweis un über alln an Haufn gariemner Käs. Nacher erschd is die Haubdschbeis kumma. Fisch un Schniddsl milanese. Ich freech mich, wie die Iddaliener des machen, äss sa so dünn senn, weil gsuffn wird bei denna! Für die Andibasdi a weißä, nacher roder, aber von guudn, un für die Nachschbeis, die wo ja aa noch neigamüssd had, Asdi Sbumande.

Ich hab gadachd, midn Diramisuh wär´s ferdich. Ja freilich! Da is erschd richdich losganga, weil da is a Gondolieri ohne sei Gondl kumma un had iddalienische Schlacher gsunga. Wie wennsdes aagsdochn häddsd! Auf die Schdühl senn sa naufgschbrunga, midgsunga ham sa, ummernandergaküssd, a boar ham zergoar gagrinna. Un immer weidäa Gedränge beschdelld. Mir war des ja rechd, verschdesd?

…

Ach un drum glabsd du, senn die Iddaliener so dünn.

…

Des häddsd fei a früher könn gsooch, äs des amol mid an Iddaliener ghabd hasd. Des hädd ich dir fei garnedamol zugedraud.

Weil die Dschordschina ja vo do drundn kummd had unner Dieder auf aamol den Schwarzn Adler umgadeffd.

Edserd hasd die Wirdschaft „Aquila tricolore!“
Glabsd es!

Aber mei Alder had ja wiedä ned auf mich hörn wölln. „Wenn mei Dieder Koch lerna will, nacher reichd des Bratwurschglöggla in Nermberch ned aus“, hadder gemaand.

Baris und Rom hads müssn sei. Ka Wunner äser mid so a Drudschn hamkumma is. Do wu die herkümmd, senn allsemal die Gasdarbeider auf ihrena Höhln gagrabbld. Weil sa nix zern fressn ghabd ham, sennsa zu uns kumma.

Aber die Dschordschia? Die had gleich wo sa kumma is den Feldwäbl gschbild und rumgablärrd:

In einer Dorfgneibe, wo’s seid Jahrzehndn Schweinsbrodn mid Glöös gähm had und dazu a Bier aus Graudheim, in sowos schaffd sa ned, da nähmerd sa lieber ihrn Dieder mid hamm nunder auf Redscho di Kalabria.

Mei Alder is nadürlich gleich eigagniggd und had sein Dieder ohne wenn und aber des ganza Zeuch übergähm.

Die Bedienung derf ich weider mach, ham sa gsechd.

Wölln hab ich ned gewölld, aber was willsd mach, mid meina fümfafuchzich griech ich doch ka neua Stellung. Un a wengala für mein Rendn muss ich aa nuch schaff.

Un edserd steh ich do mi mein Bschdellzeddl. Ich schreib Fokadscha hie und mei Dschordschina waas ned wos des is, Hör mer doch auf!

Früher hab ich mein Aldn in die Küchn nübergschrien: „An Schweinsbrodn mid zwaa Glöös, oder drei Bäärla mid Graud“ Des hadder verstanna und des Seidla hab ich selber derf zapf.

Heud gibds in Schwarzn Adler selichn Aangedengens Fegaddo fenedsiano un an Haufn Bidsa, äs sich kanner mehr auskennd un überall wird Käs draufgschdreud.

A Käs ghörd auf a Budderbrod aber doch ned auf die Nudln!

Wein saufn is edserd aansgesachd. Für a ehrlichs Bier senn sa sich zu schad, wenn sa aus ihrn Borsche gagrochn senn.

Ka Ahnung ham sa, aber heud muss‘s a Mondebuldschano sei und für die Tame a Bino Gridscho von Garda See, biddeschön. Je deuerer der Wein, desdo wenicher sänn die verheierd. Zuschdänd senn des, fraache nichd!

Un mei Alder? Der had sich aus obberadifn Gschäfd zuruckzogn, sechd er. Wos des hässd? Ganz eifach! Er läbbd edserd für sei Gsundheid. Greuder duder sammln für sei Schwiecherdochder. Wenner ahmds hamkummd mid an Schdreusla Liebscdöggl, dud sei Dschordschina wie sonsd was. Un nacher fassdsa mid beida Händ nei die Kisdn wo sa von Großmargd holn dud. Idalienische Gewürzmischung schdedd drauf gschriem.

Früher hads in Schwarzn Adler a Salzfässla un an Pfefferschdreuer gähm. Isa a ganga.