„Herr Weiglein, Sie müssen abnehmen“

Had deä Doggdä gsechd.

Un mei Mamfred?

Wemmä ner hindn aanuch aaner rauswaxerd

Hodä gadochd.

Allsämol wor uns mords viel wurschd.

Mir warn hald jung.

Heudzerdooch?

Derf uns viel ned wurschd sei.

Allsämol wurschd is heid nimmer wurschd.

Was is der Mensch?

Had die Mardda gfreechd,

Wie mer den Friedä nausgadrogn ham.

Nachä hads a weng gawardd

Un mir warn gsbannd.

Wie mers bal nimmer ausghaldn ham,

Hadsa gsechd, wos er is, der Mensch,

Vo ihra aus:

An Geld sei Hanswurschd

Un in ein Kalobb aufn Grob zu.

Wenn ich nix griech,

Bassd des scho.

Weil ich waas:

Wenn die Glös ohm schwimma,

Griech ich awos.

Wemmer naus glodsd,

Waas mer merra.

Wemmer nei glodsd,

Waas mer blos,

Wos drinna is.

Gäbämberd hammer sa fei

Unnera Glann.

Bass ner blos auf,

Äs dei Kinner

Dir ned bämbern müssn!