Wenn die Sunna scheind,

Un die Vöchl dswidschän

Un Sunndich is aa nuch,

Ich sooch der aans:

No schmeggd zergoä des Bier

Du wennst an Bärch naufgrabblsd

Muss drohm a Werdschafd sei.

Sunsd dreibd dich ja nix

Wie die Angsd,

Äs des Bier drüb werd.

Desmol kumma die Eisn rundä

Hod die Omma gsechd.

Drei Dooch drauf

Hammä na naus derf drooch

Den Obba.

„Der Abbedidd lässd noch“,

Hod die Baabedd gsechd,

Wie der Doggdä gfreechd hod

A was mer mergd,

Ässmer äldä werd.

Wenn die Kirschn rod warn

Sämmer naus schdrübfn.

Des hammä fei ned gadörfd.

Und?

Scheißegol!

Die, wo rumschreia, södden amool

Für a boar Jährla

Auswander.

Wenn sa redour kumma,

Senn sa gscheidä.

Wennst die Bildä runderdust

Mergsda: do ghörd gweisld.

In Baladso Biddi hänga die Bildä

Bis under die Deggn.

Rausweisl müssn die ned.

Gawissd hasd, ässer aufbassd

Über die Nachd,

Weilsda gabedd hosd.

Un wenn des Käuzla gschraua hod,

Bisd drodsdem förchernich worn.

Wegwärdsich vo daham

Hab ich gawölld.

Un edserd bin ich daham,

Wenn ich mei Banz säh

Do drohm auf sein Hüchl.

Neigamüssd hammä

An jedn Sunndich.

Maikäferla hammä los fliech.

Suche Godd

In die Naduä